ریاض، ہفتہ 16 اگست 2025 (ڈبلیو این پی): سعودی عرب کی وزارت خارجہ نے پاکستان میں حالیہ سیلاب اور طوفانی بارشوں کے باعث قیمتی جانوں کے ضیاع پر گہرے دکھ اور افسوس کا اظہار کیا ہے۔
وزارت خارجہ نے ہفتہ کو اپنے بیان میں حکومت پاکستان، عوام اور خصوصاً جاں بحق افراد کے لواحقین سے ہمدردی اور تعزیت کرتے ہوئے کہا کہ مملکت اس قدرتی آفت کے مشکل وقت میں مکمل طور پر پاکستان کے ساتھ کھڑی ہے۔
بیان میں متاثرہ خاندانوں کے لیے صبر و ہمت اور زخمیوں کی جلد صحتیابی کی دعا بھی کی گئی۔
