اسلام آباد، پیر، 18 اگست 2025 (ڈبلیو این پی): ترکی کی کوآپریشن اینڈ کوآرڈینیشن ایجنسی (ٹیکا) نے بنوں ضلع میں سیلاب متاثرہ خاندانوں کو فوری طبی امداد فراہم کرنے کے لیے ایک موبائل ہیلتھ کلینک روانہ کر دیا۔
ٹیکا کے مطابق یہ موبائل یونٹ پیر کے روز متاثرہ علاقوں میں پہنچ گیا ہے جو سیلاب زدہ خاندانوں کو صحت کی سہولیات، ضروری ادویات اور حفظانِ صحت کے کٹس فراہم کر رہا ہے۔
یہ اقدام پاکستان کے لیے ترکی کی وسیع تر انسانی ہمدردی پر مبنی معاونت کا حصہ ہے جس کا مقصد سیلاب متاثرین کے ساتھ یکجہتی کو اجاگر کرنا اور مشکل کی گھڑی میں پاکستانی عوام کے شانہ بشانہ کھڑے رہنے کے عزم کو دہرانا ہے۔
